 |
|
BURDIN SOINUAK: ARCH ENEMY
IKER TOTORIKA [2008-12-25]
1996 urtean bertan jo zutenetik harreman oso berezia dute Arch enemy taldekoek zale japoniarrekin. Bertan haundiak direla eta, zuzenekoa grabatzea erabaki zuten pasadan otsailean
Urrezko Dominarekin omendu dute Mikel Laboaren urrezko ibilbidea
Iturria: GARA.com [2008-12-25]
Mikel Laboa zendu zela hilabete igaro ez da eta abendurako programaturik zegoen omenaldia burutu dute joan den astabenduren 23an. Mikel Laboaren ibilbidea, maila guztietan, omendu nahi izan dute.
Bitxikeriak: mugimendu sozialak kriminalizatzeko saiakera berri bat.
iturria:zabaldu.com [2008-12-25]
Halaxe da, egunotan mugimendu antifaxista kriminalizatzeko ahalegina egin du Telecinco Espainiako telebista kateak. Horretarako bi kazetari infiltratu zituen Madrid eta Valladoliden izandako jardunaldi batzuetan, tankera horretako mugimenduetan dauden gazteek izaera bortitza eta odoltsua dutela erakutsi nahian. Erreportaiak ordea, okerreko bidea hartu zuen eta kazetariak gezurretan harrapatu zituzten.
Bertsotan: Elortza txapeldun...eta beste zazpiak ere!
ABARRAK [2008-12-24]
Joan den larunbatean BECean ospatutako Bizkaiko Bertsolari Txapelketako finala sarean dago ikusgai.. hitzordu ederra izan zen, Santo Tomas goizean eta bertso saioa bazkalostean..ez zen plan txarra, inondik ere..
Ikusleok bertsolariekin gozatu genuen, baita ondo gozatu ere..gaiak jai giroa mantentzeko aproposak eta bertsolarien bertsoak keinuz josita..euskarari, euskal herriari, presoei, arazo sozial eta politikoei...
Elortzak eraman zuen txapela, bosgarrena. Bigarren Iturriaga, bikain aritu zen. Estiballesek bereak eta bi bota zituen eta saritua izan zen horregatik, bertso saio borobila egin zuen.Iratxe Ibarra beti bezain zuhur, fin. Onintze bihotza eskuetan kantatzen duen bertsolaria da, denok hunkitzen gaituen horietakoa. Etxahunek maila aparta erakutsi zuen, beti bezala. Paya anaiak sailkapenaren beste muturrean gelditu ziren Fredi pozarren, Xabi serioago. Zortzi txapeldun egon ziren Barakaldon, bertsolaritza eta bertsozaleok inoiz baino biziago gaudela erakutsi genion munduari.
Txorierriko berbalagunek blog berria dute
abarrak [2008-12-17]
Txorierriko berbalagunek blog berria dute.
Sartu eta kuxkuxeatu, gauza benetan interesgarriak dituzte eta!
BERTSOTAN: GERO ETA GUTXIAGO LARUNBATEKO FINALERAKO
ABARRAK [2008-12-17]
Barakaldoko BEC-en egingo da Bizkaiko Bertsolari Txapelketako finala, larunbatean 17:30etik aurrera. Zortzi bertsolari arituko dira lehian: Xabier Paya duela bi urteko irabazlea, txapelketan berriro parte hartu duten Igor Elortza eta Unai Iturriaga, Iratxe Ibarra, Arkaitz Estiballes, Etxahun Lakue, Fredi Paia eta Onintza Enbeita.
Bizkaiko Bertsolari Txapelketa 1958an egin zen aurrenekoz, Euskaltzaindiak antolatuta. 50. urteurrena dela eta, garai hartako bertsolariak omenduko dituzte larunbatean BEC-en. Hala, Jon Azpillaga 1961eko txapelketako irabazleak jarriko dio txapela aurtengo irabazleari.
Behatokia NBEko Forumean
ABARRAK [2008-12-17]
Lehen aldiz antolatu du Giza Eskubideen Batzordeak tankera honetako foruma eta eztabaidatu diren gauzen artean, gutxiengoen hezkuntza-eskubideak egon dira. Bertan, Paul Bilbao Behatokiko zuzendaria izan da. Azpimarratu dituen gauzen artean "gutxiengo" edo "gutxiu" hitzek duten arriskua dago, izan ere, oso bestelako moduan ikusten da kontzeptua hau leku batean eta bestean. Horren harira, hiztun-komunitateei beren hizkuntza estatusa aldarrikatzeko dei egin die.
Kontseiluko ekitaldia solasgunean eztabaida gai
abarrak [2008-12-14]
Kontseiluko ekitaldia joan den larunbatean ospatu da Barakaldoko BEC aretoan. Ziur gaude zuetako asko eta asko orain hamar urte bezalako ekitaldi zirraragarria espero zenutela. Besterik da ordea, bertan ikusitakoa, ez hobea, ezta txarragoa ere. Desberdina, hotza (?), akaso laburra??.
Zuen iritzia jakin gura genuke. Sartu bada, web guneko solasgunean!
Buber Sariak euskal web gunerik onenari, besteak beste.
ABARRAK.Iturria: bizkaie [2008-12-14]
Asteburu honetan Buber Sariak ospatu dira, euskal web gunerik onena saritzeko.
Webgune ikusgarrienen atalean, saria www.botasarean.biz aurtengo Bizkaiko Bertsolari Txapelketearen webguneak lortu du.
Webgunerik erabilgarrienaren saria berriz, www.sidrerias.es-entzat izan da, mota horretako jatetxeen gidea eskaintzen duelako.
Webgune dibertigarrienaren saria tradizioa eta teknologia uztartzen dituen www.baserrieskolak.com-ek eskuratu du.
Bestalde, www.argia.com izan da, epaimahaiaren arabera, euskerearen sustapenaren arloko webgunerik onena.
ABARRAK elkarteko hitzaldia Arrigorriagan
ABARRAK [2008-12-08]
Ostiralea, abenduaren 12an, arratsaldez, Ez Dot Sinisten kultur gunean berbaldia emongo dogu. Berbaldian Arrigorriagako euskararen egoeraren barri emongo dogu , Abarrak euskara
alkartearen orain arteko ibilbidea (Edurneren omenaldirako prestatutako DVD-a
erabiliz) azaldu eta gaur egun zertan gabizen azalduko dogu. Behin hitzalditxoa amaitutakoan,
mahainguruan euskararen erabilerari buruzko kezkak eta aukerako urtenbideez jardungo
dogu. Bertan alkar ikustea espero dogu
|
|
|
